Sirojut Tholibin Situs Resmi Ponpes Sirojuth Tholibin, Brabo.
Related Articles
“Kekasihe Allah,, intuk Rahmat lan Ridlone Gusti Allah ora kerono akeh ibadahe, tapi kerono lumone ati lan nganggep dunyo iku ino.”
Wong Lumo iku,, cedak marang Gusti Allah, Rahmate Allah tur adoh soko siksane Gusti Allah
Wong Bakhil,, adoh marang Gusti Allah, Rahmate Allah tur cedak soko siksane Gusti Allah.
Naliko Gusti Allah nyiptakke surgo, surgo matur , “keranten sinten panjenengan dadosaken kulo?”
Gusti Allah dawuh, “Kanggo wong-wong sing lumo lan taqwa.”
“Kulo ridlo Gusti”.
Naliko Gusti Allah nyiptakke neroko, neroko yo matur, “keranten sinten panjenengan dadosaken kulo, Gusti?”
“Kanggo wong-wong sing bakhil lan gumede”.
Ning lawang surgo ditulis : “kowe haram kanggo wong-wong sing bakhil, ngelarakke wong tuo lan wong kang adu-adu.”
Wong loman iku yen dilarakke atine, yen kebacut ngucap elek, mengko Allah ngijabahi (dongane terkabul).
Lan wong sing seneng aweh panganan marang wong muslim liyane kanti ikhlas, bakal intuk sewu ewu kebagusan saking Gusti Allah, bakal dilebur saking sewu ewu keolonan lan diunggahake marang sewu derajat.
Demeno awakmu marang sedulurmu koyok olehe demenmu marang awakmu
Mulyakno tamu, mergo tamu rawuh iku nggowo rizkine dewe , yen mulih nggowo dusone sing nduwe omah lan diuncalake ning segoro.
Mulo ayo do gawe bagus marang sopo wae, termasuk karo wong sing ashor. Wong sing ashor iku piye?? Wong sing ora gelem dituturi tur ngomonge sak karepe dewe ora peduli pitutur.
(Ringkasan pengaosan “Washiatul Musthofa” oleh Ibu Nyai Hj. Maimunah Baidlowie di pondok putri)
