Sirojut Tholibin Situs Resmi Ponpes Sirojuth Tholibin, Brabo.
Related Articles
Alamate wong kafir iku 3
# Mamang anane Gusti Allah
# Sengit marang ibadah
# Lali ta’at marang Gusti Allah
Wong munafiq kuwi :
# Nek omong goroh
# Nek janji diingkari
# Nek dipercoyo cidro
# Ora iso dinasehati
Mulo,, awakke dewe iki nak mukmin tenan,, nek omongan kudu jujur, nek janji ojo nulayani, nek dituturi koncone ojo nesu.
Wong riya (pamer) kuwi :
Yen sholat bareng-bareng berjama’ah khusuk, rukuk e,, sujud e khusuk,, tapi nek sholat dewe ora iso tuma’ninah.
Lan wong sing gawenen pamer kuwi, seneng karo wong sing gawene ngelem.
Lan wong sing gawene seneng dielem kuwi termasuk wong sing mura’i (wong sing seneng riya).
Awakmu dzikiro marang Allah ning endi wahe,, nggon persepen (sepi) yo ning keramaian, nek iso,, dzikir ning keramaian kuwi dibaten wahe,, nak ning persepen sak karepmu. Nek pingin dzikir akeh, sholat akeh ning persepen iku monggo, tapi nak ning keramaian ojo.
Wong sing kumprung iku :
# Sembrono marang kewajibane
# Akeh omong rapenting naliko ning majlis dzikir
# Nacat-nacat marang Allah
Wong sing diino marang Allah iku 3 tetengere :
# Akeh gorohe
# Akeh sumpah sing ora bener
# Akeh butuhe marang menungso_ dadi opo-opo njaluk tulung ,, ora gelem usaha dewe.
Wong sing disenengi Gusti Allah iku wong sing gawene tetulung, manfaati marang menungso.
Awakke dewe pilih dadi wong apik, manfaati,, wong sing mulyo,, opo wong sing diino??
Nek kepingin dadi wong sing akeh manfaati, tetulungo,, nek pingin diino marang Gusti Allah,, jaluk tulungo marang wong liyo.
Wong sing ciloko kuwi :
# Wong sing mangane barang haram
# Ngeduhi wong alim
# Sholat ijen_ ora gelem jama’ah
Ngendikane kanjeng Nabi :
“Sholat ijen kuwi ganjarane sak derajat, nek jama’ah 27 derajat.”
Wong dholim kuwi :
# Mangan sak-sak e dewe, ora peduli panganane soko ngendi
# Nek utang mekso-mekso
# Wani nabok (mukul) nek ora diutangi
####
Kanjeng Nabi ngendikan :
“ Wong nek gelem moco surat yasin saben isuk lan sore, InsyaAllah direkso dining Gusti Allah, ora ono madlorot opo-opo.”
“Wong nek gelem moco surat Al Hasyr (juz 28) sedino pisan saben wengi, mongko bakal slamet saking olone dunyo lan akhirat.”
“Wong nek gelem moco surat Al Baqoroh saben malem jum’at, Gusti Allah bakal ngetoake cahaya marang dewe’e soko langit sap 7 tumeko ngisor bumi sap 7.”
“Sopo wonge sing moco surat Ad Dukhaan lan sural Al mulk saben malem jum’at, Gusti Allah bakal ngapuro dosane lan dislametake soko fitnah kubur.”
“Sopo wonge sing arep turu moco ayat terakhir soko surat Al Kahfi, Gusti Allah bakal dadiake cahaya soko sirahe wong tumeko sikile (awak e bercahaya).”
Biasane nek moco ayat kuwi, pingin tangi jam piro wae mesti iso tangi.
“Wong sing arep turu gelem moco surat Ath Thooriq, Gusti Allah bakal nyatet kebagusan sing cacahe podho lintang ing langit.”
Kanjen Nabi yo dawuh :
“ Sopo wonge moco surat Al Mulk lan sak ba’dane dungo :
اللهمّ اعْصِمْنِى بالْاِسلامِ قَائِماً واعْصِمنِى بالاسلامِ قائماً ورَاقِداً ولا تُشْمِتْ فِىَّ عَدُوًّا ولا حَاسِدًا, اللهمَّ انّى اعوذبك مِنْ شَرِّ كلِّ دَابَّةٍ انتَ اَحِدٌ بناصِيَتِهَا واَسْئَلُكَ الْخَيْرَ الَّذِى بِيَدِكَ كَفَاهُ اللهُ ما همَّهُ مِن الجنِّ والإنسِ والدَّوابِ.
InsyaAllah Gusti Allah bakal nyelametake saking godaan setan, saking kesusahan lan sakit kewan-kewan gegremetan.”
Kowe nek susah,, butuh opo-opo,, moco o ayat kursi lan dungo :
يا حيّ يا قيّوم لا إله إلّا انت برحمتك أستغيث فاغفرلى وأصلح لى شأنى وفَرِّجْ هَمِّى فإنّ اللهَ يكشِفُ عنكَ الْهُمُوْمَ ويُفَرِّجُ عنكَ الْكُرُوْبَ ويَقْضِى لكَ الْحَوَائِجَ.
InsyaAllah kebutuhane bakal diijabahi marang Gusti Allah.
Mugo-mugo Gusti Allah ngilangi kesusahane awak e dewe, kabeh hajat kito sing apik-apik ketutukan.
Nek dungo karo Gusti Allah kuwi sing akeh sisan, ojo minimalis,, Gusti Allah kuwi Moho Kuwoso.
Nek ono perkoro susah moco o :
سبحانكَ ربِى لا إله إلّا أنتَ عليكَ توَكَّلْتُ انتَ ربُّ العَرْشِ العَظيمِ.
Siro kbeh ngakeh-ngakehno dungo sing diulangke malaikat jibril, sebab dungo kuwi langgeng manfa’ate ono ing agama, dunnyo lan akhirat.
Naliko weru rembulan mongko moco o tahlil ping 3 lan takbir ping 3, nuli dungo :
الله اكبر وأَعَزُّ وأقْدَرُ مِمّا أخافُ وأحْذرُ.
Yen kowe weruh wong sing sajak e nakal, wacakno dungo :
إنّى أدْرَأُ بِكَ فى نَحْرِهِ واسْتَكْفِيْكَ غَضَبَهُ وأعُوذُبِكَ مِنْ شَرِّهِ. اللّهمّ
Pisan maneh,, nek dungo marang Allah,, dungo o sing mantep, Allah bakal ngijabahi,, ojo dungo minimalis,, ndungo o sak pol-pol e najan ora mungkin.
Mugo-mugo kowe kabeh iso nindakke dawuhe Gusti Allah lan ngedohi larangane Allah.
###
Jum’at, 07 April 2017
Ringkasan pengaosan “Washiatul Musthofa” oleh Ibu nyai Hj. Maimunah Baidlowie di Aula Pondok putri
