Sirojut Tholibin Situs Resmi Ponpes Sirojuth Tholibin, Brabo.
Related Articles
Wong mulyo iku Wong sing gelem ninggal maksiat, nindakke perkoro sing halal, nduwe akhlak kang bagus.
Lan wong sing nduwe akhlak kang bagus iku derajate iso podo karo derajate wong sing awane poso, bengine ngibadah karo perang fisabilillah.
Wong sing ora gelem ninggal maksiat kuwi njerone bumi luwih apik tinimbang jabane (Luwih apik dikubur tinimbang urip).
Wong isone mulyo iku kerono ninggal maksiat. Najan sugih duwite akeh, gawene maksiat, iku ora diajeni wong. Tapi najan ora patek nduwe, ning wira’i ninggal maksiat, apik tumindakke malah dadi wong sing mulyo, diajeni menungso. Sugiho koyok ngopo bareng maksiat terus,, kuwi ora mulyo, ora mulyo mungguhe Allah yo ora mulyo mungguhe menungso.
Kanjeng Nabi dawuh :
“Kowe dadio wong sing peraupane sumeh, mesam-mesem. Ojo dadi wong sing mrengut, mecucu.”
Nak disopo mesemo, ojo mrengut,, wong do ra seneng,, sing ndelok ra seneng Gusti Allah yo ra seneng.
“Pokok e ngibadah kuwi meneng, dzikir, ngibadah marang Allah.” Yaiku wong sing anteng ora kakehan omong akehe mung dzikir,, iling marang Gusti Allah.
Kanjeng Nabi dawuh marang Sayyidina Ali :
“Ojo kakehan turu, nek kakehan turu iku iso mateni ati lan ngilangi padange ati. Lan wong sing akeh dosane iku iso mateni ati lan mariske getun, getun ning dunyo yo getun ning akhirat.
Wong sing intuk ni’mat soko Allah Ta’ala, syukur, dicubo sabar lan naliko tumindak duso langsung njaluk ngapuro iku sing intuk syurgo من ايّ بابٍ شآءَ (saking lawang endi wae sing dipengeni).
Ojo bungah-bungahan, Gusti Allah ora remen wong sing bungah naliko liyane kesusahan, Gusti Allah remen maring saben-saben kesusahan.
Hai Bani Adam, aku iki dino anyar (sesok) opo sing mbok tindakke kudu mbok iling-iling, tumindakmu akeh ibadahe po maksiate? dino iku nyekseni tumindakmu, sok bakale dipertanggung jawabke.
Kanjeng Nabi dawuh :
“kowe wedio marang lali pati.”
wong sing sugeh-sugeh lan wong sing nduweni dunyo, dewe e seneng banget ngumpulke bandane sampek lali iling mati, koyok olehe madepe wong tuo marang anak, wong tuo nak nduwe anak iling terus, koyok sing nduwe bondo ngantek ibadahe kurang. Iling! nduwe dunyo keno, ojo ngasi til kumantil marang dunyo, kudune nduwe dunyo, nduwe rizki kanggo sangu ngibadah, iling akhirat.
Iki dungane : اللهم اجعل الأرزاق فى ايدينا ولا تجعلها فى قلوبنا
